CEBU, Philippines - Gihimo nang subsob karon ang pagbansay nga gilusad sa buhatan sa Department of Agriculture ngadto sa mga mag-uuma sa bukid bahin sa tukmang pag-atiman sa mga lagutmon.
Sumala pa sa mga kadagkoan sa maong departamento nga kinahanglan nga palamboon pag-ayo ang industriya sa agrikultura sa siyudad nga dili maapektohan sa mangabot nga mga produkto sa kaumahan nga gikan sa laing dapit.
Nagkanayon si City Agriculturist Joelito Baclayon nga nagpadayon usab ang ilang gilusad nga tabo sa nagkadaiyang dapit sa siyudad aron ma-display pag-ayo ang mga produkto sa kaumahan gikan sa kabukiran.
Samtang ang gipunting usab karon sa maong departamento mao ang pagbansay sa mga kabatan-onan nga makakat-on sa pagpanguma.
Matud pa niya nga adunay mga out of school youth karong panahona ang ilang bansayon sa pagpananom. (Sanden J. Anadia/WC) (BANAT)