CEBU, Philippines - Sa inyo na tingaling nasayran, si Vice President Jejomar Binay, mogamit sa iyang pork barrel, kun kining ilang ginganlan og PDAF kon Priority Development Assistance Fund (kay medyo makauuwaw ang pulong pork barrel, ambut ngano), alang sa pagtukod og pag-rehabilitate sa mga 300 ka senior citizens center sa tibuok nasud.
Nindot kaayo nga balita. At least, samtang ang uban natong mga Senador ug mga Kongresista, di gyud mamahin sa ilang pork barrel, now comes no less than the Vice President, has committed and earmarked his 2011 pork to build or rehabilitate some senior citizens center nationwide.
Makalipay nga balita, apan ang pangutana kun naapil ba kaha ang Cebu City niining ilang mga plano, nga sukad pa sa 2003 pinaagi sa RA 9257, ug karon RA 9994 of 2010, wala gayud makatukod og senior citizens center.
Lupig ta sa mga dakbayan sa Lapulapu, Mandaue, Talisay, ug Toledo. Wa man gani ta maka-create sa Office of Senior Citizens Affairs, pinaagi sa ordinansa, diin si Dodong Casinillo, mi-function in acting capacity, walay budget, walay office, walay sweldo, walay staff, ug walay kahimanan pang-opisina. Ambut nganong daghan ang gustong mopuli niya.
Pagkakaron, ang atong gihimong temporaryong senior citizens center mao ang San Nicolas Proper Senior Citizen Center, ilawom sa mga bleacher sa ilang multi-purpose covered court. Kaluoy, samtang ang Lapulapu City aduna gyuy kaugalingong OSCA building ug senior citizens center.
Anyway, gawas sa iyang bulig sa mga senior citizens, mogahin usab siya’g pundo alang sa 1000 ka scholars, mga poor but deserving students.
Ang 300 ka senior citizens center (ambut kun apil ba ang Cebu City ini), gahinan og tag-P500 million matag usa. Kun naapil ta, makahuman na ni sa imposing unta kaayo nga Senior Citizens Center nga atua sa SRP, proyekto ni kanhi Mayor Tomas Osmeña.
Kun magkasabut lang unta sila si Congressman Tommy Osmeña ug Mayor Mike Rama, ug Kongresista Cutie del Mar, magtampuhay paggahin gikan sa Kongreso ug sa City Hall, segurong makatukod gyud ta sa gilaraw ni Congressman Osmeña nga usa ka world-class nga senior citizens center.Unya na ta maghisgot og politika sa 2013.
Giingon usab dinhi nga ang portion sa P200-million nga pork barrel ni Binay nagagikan sa wala magamit nga PDAF ni Presidente Aquino sa Senador pa siya. Maayo sad. Sa ato pa, concern sad diay si Noynoy kanatong mga senior citizens.
In the meantime, paminaw ug interact sa Senior Citizens Hour, 4:00-6:00 pm, matag Sabado, DyRC, 648 kHz, Tels. 2388172-73, 2364386.