Kaso sa ilegal nga drugas sa Rehiyon misaka

CEBU, Philippines - Gipahibalo sa direktor sa Philippine Drug Enforcement Agency (PDEA)-7 nga si Adrian Alvariño nga nagkataas karong tuiga ang kaso sa drugas sa rehiyon kumparar sa miaging tuig busa dili gyud nila lung-an ang mga lugar nga gidungog nga dunay tigpayuhot og ginadiling drigas.

Gani sa buwan sa Enero karong tuiga hangtud karong panahona, mokabat na ngadto sa 480 ka mga indibidwal ang ilang napasakaan og kaso gumikan sa drugas kumpara sa 366 sa susamang period sa miaging tuig.

Nagkanayon si Alvariño kasagaran sa mga drugas ang naggikan pa sa ubang lugar ug dinhi ibaligya sa atong dapit gumikan kay mahal ang kantidad niini.

Pipila sa mga dapit nga gidungog nga kusog ang tigpayuhot sa shabu naglangkob sa barangay Pasil, Ermita, Kamagayan, Duljo Fatima ug uban pa.

Samtang nagpadayon usab karon ang kooperasyon sa PDEA sa nagkadaiyang abyon gumikan kay dunay ubang mga negosyante og drugas ang nagikan sa laing nasud ug kasagaran ilaha kining itago sa ilang mga pribadong bahin sa ilang lawas. (BANAT NEWS)

Show comments