CEBU, Philippines - Human sa gihimong duha ka adlaw’ng seminar ug orientation sa Provincial Agriculture ug sa Philippine Crop Insurance Corporation nga gipaluyohan kalabot sa insurance sa mga mag-uuma, miabot na og 38 mil ka mga mag-uuma ang nasibot sa pagpalista ngadto sa buhatan sa provincial agriculture.
Kini aron makaangkon sa insurance program nga gitanyag ni Gov. Gwendolyn Garcia ngadto sa mga mag-uuma sa kalungsoran. Gibutyag ni acting VP for Corporate Business Affairs Group Antonio Uy II ngadto sa mga tigbalita nga mabungahon kaayo ang ilang tigum sa buhatan ni Garcia kagahapong adlawa.
Lakip sa mitambong mao sila si Dr. Leo Cañeda sa Department of Agriculture; Dr. Nicias Vicoy sa Provincial Agriculture Office ug si acting VP for Corporate Business Affairs Group sa PCIA nga Antonio Uy II.
Samtang gikatakdang magtigom sila pagbalik aron sa pag-finalize na sa project, mga dokumento ug uban pang gikinahanglanon karong Mayo 25 ning tuiga. (BANAT NEWS)