CEBU, Philippines - Nasakiyo ang P13-mil nga koleksiyon sa usa ka lending collector sa duha ka nagmotor nga armadong lalaki sa bukirang bahin sa barangay Tabunan siyudad sa Sugbo apan didto na-report ang maong panghitabu sa kapulisan sa lungsod sa Balamban.
Ang biktima mao si Wendell Centino,24, taga Paknaan siyudad sa Mandaue ug kolektor sa PJC Finance Corporation nga nagbase sa lungsod sa Consolacion.
Matud ni PO2 Cesar Climaco sa Balamban Police dihang nahinabi sa Banat News ang biktima gikan naningil sa barangay Tabunan alas 5:30 niadtong Lunes sa hapon dihang gibabagan sa mga tulisang nag-bonnet.
Wala makapiog ang biktima dihang gitiunan sa angkas og armas ug gikuha ang iyang bag nga gisudlan sa iyang koleksyon human niini miikyas ang duha padulong sa direksyon sa dakbayan sa Sugbu. (BANATNEWS)