CEBU, Philippines - Napalgang patay ug naligo na sa kaugalingong dugo ang usa ka menor de edad nga lalaki human kini giingong gitabangan og bunal og kahoy pasado alas-3 sa hapon kagahapon duol sa usa ka construction site sa barangay Kasambagan ning dakbayan.
Sa report sa Balitang Bisdak nasayran nga ang menor de edad nailhan nga si Philip Delos Santos, 16. Sumala pa sa report, ang kapolisan nagtuong dili usa lang ka tawo ang mihimo sa krimen. Matud pa sa maong report, nga sa imbestigasyon sa Crime Scene Investigation sa Cebu City Police Office nasayran nga ang biktima gibunalan sa makadaghang higayon nga maoy hinungdan sa iyang hinanaling kamatayon.
Nakuha sa dapit ang dos por dos nga kahoy nga gituohang maoy gigamit sa pagpamunal kini tungod sa dugo nga namilit sa mga kilid niini.
Dunay pagduda nga nanguha og tubo sa gitukod nga building ang biktima maong gikulata sa gidudahan usab nga mga trabahante ug karon gipangita na sa kapolisan. (BANAT NEWS)