Kargador giluba patay sa kainom

CEBU, Philippines - Usa ka giingong kargador sa Carbon Market gidunggab patay sa iyang gikainom didto sa sitio Lower Tabucanal barangay Pardo, siyudad sa Sugbo sa miaging hapon.

Ang biktima mao si Carlito Garces alias ‘Lito’ , nga taga barangay Ermita dakbayan sa Sugbo samtang ang suspek nailhan usab nga si Antonio Yonco Jr. alias ‘Boy Ongo’ 47, usa ka welder ug nagpuyo sa Tabucanal.

Sa pasiunang imbestigasyon nga gihimo nila ni PO3 Victor Ruel Ayuman, PO3 Geoffrey Gutual, PO3 Julius Mabunay ug PO2 Cristobal Geronimo uban sa mga sakop sa Pardo Emergency Rescue Unit nasayran nga nag-inom ang biktima sa sulod sa videokehan uban sa duha niini ka higala nga sila si Antonio Ponce ug Samuel Yasania lakip na ang suspek.

Apan kalit mitumaw ang panaglalis sa biktima ug suspek, ug dihang milakaw ang biktima kay mitubag sa sugo sa lawas gisundan kini sa suspek ug samtang naglakaw sa dalan gihansakan sa iyang kutsilyo ang nagkalainlaing bahin sa lawas sa biktima nga maoy hinungdan sa hinanaling kamatayon niini.

Ang suspek misuway unta sa pag-iskapo apan nadakpan siya sa miresponding kapolisan kinsa mibalhug kaniya   sa prisohan.

Show comments