CEBU, Philippines - Nalandig sa tambalanan ang usa ka 27-anyos nga lalaki human kini lubaa sa wala hiilhing tawo didto sa sitio Ranger, barangay Pooc, dakbayan sa Talisay sa miaging Sabado sa gabii.
Ang biktima giila sa mga polis nga si Tives Vicente Lanojan, taga lungsod sa Dumanjug.
Si Lanojan kinsa samdan sa walang abaga, walang tiyan daling gidala ngadto sa Talisay City District Hospital apan tungod sa delikado niyang kahimtang gibalhin siya ngadto sa Vicente Sotto Memorial Medical Center.
Sila si PO3 Alfredo Cuizon, PO3 Ferdinand Pablo, PO2 Ivan Ray Juarez ug PO1 Jundave David maoy nakaresponde dayon sa maong alarma.
Sa imbestigasyon nga gihimo sa nahisgutang mga polis natino nila nga paregla ang motibo sa maong hitabo tungod kay ang biktima giingong gidunggab sa kriminal nga walay igong rason. (BANAT NEWS)