CEBU, Philippines - Nadakpan sa kapolisan ug mga sakop sa Department of Social Welfare and Development (DSWD) ang napulo ka mga babayeng gituohang mga boring nga naglakip sa duha ka minor de edad ug usa ka bayot nga gituohang ilahang bugaw sa managlahing dapit sa dakbayan sa Mandaue sa miaging gabii.
Si Police Inspector Gerardo Fil, deputy chief sa Presinto 1 sa Centro Police Station sa Mandaue City Police Office (MCPO) maoy nangulo sa operasyon.
Si Fil sa pakighinabi sa Banat News mibutyag nga una nilang ang unom ka mga babaye sa barangay Guizo sa maong dakbayan dihang sa lang paglabay gipara sila sa grupo ug mitanyag og daklit nga kalipay bugti sa P200 nga salapi. Human niini milahos sila sa reclamation area ug ilang nadakpan ang laing upat ka mga babaye nga nagpaabot usab og mga kustomer.
Dugang pa sa maong taho nga labing taas nga panuigon nga babaye nga ilang nadakpan ang nagpanuigon og 32 anyos, 18, 17 ug ang labing ubos mao ang 16-anyos nga giingong tinun-an pa sa high school sa usa ka pangpublikong tunghaan.
Kasong bagransiya maoy ipasaka batok sa dinakpan samtang ang duha ka minor de edad ilang gitugyan ngadto sa buhatan sa Department of Social Welfare and Development. (BANAT NEWS)