CEBU, Philippines - Ang estriktong paghipos sa basura maoy nag-una sa mga programa nga hingusgan ni Association of Barangay Council (ABC) Federation President Leo Mercado sa dakbayan sa Lapulapu.
Si Mercado nga sakop usab sa konseho sa maong dakbayan isip ex-officio member nga nahinabi sa Banat News kagahapon ang mipadayag niini.
Matud pa niya nga isip vice chairman sa solid waste management program sa dakbayan siya’y mangulo sa paghingusog sa kampanya sa pagkolekta sa basura sa kabarangayan sa dakbayan.
Dugang pa niya nga miarang-arang na hinuon ang pagpangolekta sa basura niining panahona apan nagkinahanglan pa ang dugang nila nga pagdasig sa kaubanan nilang opisyal alang sa paghatag og dakong pagtagad sa maong programa. – BANAT NEWS