CEBU, Philippines - Adunay ipatumang rerouting ang City Traffic Operation and Management (CITOM) ug kapolisan sa dakbayan sa Sugbo sa barangay Guadalupe atol usab sa tinuig nga pangilin sa patron niini karong adlawa sa Disyembre 11.
Ang mga pasaheroang mosubay sa V. Rama padulong sa simbahan sa Guadalupe palikuon diha sa dalan kilid sa barangay hall ug moliko sa tuo sa A. Abellana ug moliko na usab sa tuo ngadto sa dalan M. Velez ug desilya sa V. Rama Avenue hangtod na ngadto sa Happy Valley ug mo-U-turn kini balik sa Guadalupe.
Ang rerouting sa sakyanan magsugod alas-5 sa hapon nunot sa prusisyon ug malibkas human sa maong kalihukan.
Lakip sa maapektahan sa rerouting mao ang dalan Osmeña Blvd. sanglit ang mga sakyanan kinahanglang moliko sa wala nga bahin sa N. Escario, modesilya na usab sa Don Gil Garcia, desilya sa Jose Avila, modemano sa V. Rama ug molahos na sa pagadulngan niini. – BANAT NEWS