CEBU, Philippines - Mopahigayon og kinalit nga inspeksyon ang Department of Labor and Employment (DOLE) Central Visayas ngadto sa mga pabrika og pabuto sa dakbayan sa Lapulapu karong duol na ang Pasko.Si Exiquel Sarcauga, Assistant Regional Director sa DOLE-7 nagkanayon nga tuyo lang nila mao ang pagpahinumdom sa mga lisensyado nga tiggama og pabuto kalabot sa ilang nauyonan sa ilang training/seminar kapin sa duha na ka bulan ang nakalabay.Ang seminar may kalabotan sa health and safety sa himoanan og mga firecracker. Samtang sa pikas bahin ang Firearms Explosives, Security Agency Guards and Supervisory Section (Fisagss) nagsugod na usab sa ilang pagpanginspeksyon sa mga dealer, retailer ug vendor kun otorisado ba sila nga mamaligya og pabuto karong Pasko.Si PRO-7 Chief Supt. Ager Ontog Jr. nagkanayon nga aduna na siyay sakop nga gitahasan niini sa pagpatuman sa Republic Act 7183 alang sa pagpanakop sa mga dealer, retailer ug vendor nga namaligya nga walay permit.Si Ontog miawhag usab sa mga Local Chief Executive nga mogahin sila og lugar sa ilang tagsatagsa ka lungsod o dakbayan nga maoy displihanan og mga pabuto.
Kini aron sa pagsiguro nga walay kuyaw sa sunog ang dapit nga baligyaan sa maong mga pabuto, matud pa ni Ontog. – BANAT NEWS