CEBU, Philippines - Milampos ang duha ka mga tulisan sa pagtulis sa tulo ka mga empleyado sa Mactan Economic Processing Zone samtang naglakaw sa sitio Lipata, sa barangay Pusok dakbayan sa Lapulapu kagahapon sa kaadlawon.
Ang mga biktima mao sila si Fretzi Gorosin, 26, residente sa barangay Canjulao dakbayan sa Lapulapu usa ka 16-anyos nga residente sa sitio Cemento, barangay Pusok ug Pedro Cearez, 22, taga sitio Matumbo sa barangay Pusok dakbayan sa Lapulapu.Sa imbestigasyon ni PO1 Lowel Barida sa Crime Against Property Desk naglakaw sa maong dapit ang tulo dihang duha ka tawo ang kalit nga mibabag sa ilang atubangan ug mition og armas ug gipanguha ilang mga cellphone ug mga bag nga adunay sulod nga kwarta. Sa pagtaho sa mga biktima ngadto sa kapulisan pakyas kini sa pagsikop ug pag-ila sa mga responsable. – BANAT NEWS