CEBU, Philippines - Patay ang usa ka traysikad drayber human gipusil sa duha ka wala mailhing tawong nagsakay og motorsiklo samtang nagmaneho kini sa iyang traysikad gikan naghatud og lubong sa ilang silingan sa miaging adlaw diha sa dalan B. Aranas sa San Nicolas-Proper ning dakbayan.
Ang biktima nakaangkon og duha ka samad pinusilan ug ang usa niini milapos sa agtang giila nga si Dexter Ejares, 37, residente sa dalan dela Conception sa barangay Pasil ning siyudad.
Sa imbestigasyon ni SPO2 Roger Nedamo ug mga kaubanan sa Homicide Section paingon nang mopauli sa ilang pinuy-anan gikan sa Calamba Cemetery dihang gipusil duha ka higayon sa duha ka lalaking luwan og motorsiklo.
Daling gidala si Ejares sa Cebu City Medical Center apan gideklarar kining dead on arrival samtang ang mamumuno daling misibat paingon sa Duljo Fatima. – BANAT NEWS