CEBU, Philippines - Gisugat sa pagpasaka og kaso ang pagsaulog sa adlaw’ng natawhan ni Gob. Gwendolyn Garcia kagahapong adlawa, ang kaso gipasaka sa whistleblower nga si Crisologo Saavedra.
Si Saavedra maoy mipasaka og kaso batok sa gobernador diha sa buhatan sa Ombudsman Visayas isip maoy iyang gasa sa pagsaulog sa adlaw’ng natawhan niini kagahapon.
Kasong kalapasan sa Anti Graft and Corrupt Practices Act ang gipasaka ni Saavedra gumikan kay giingong nakahimo kini og abuse of power tungod sa pagpang-hire niini og 19 ka mga consultants sa Kapitolyo nga walay pagtugot sa Hunta Probinsyal.
Nunot niini nanghinaot si Saavedra nga mohimo og dinaliang aksyon ug gipangayo usab niya sa anti-graft office nga ipaubos sa preventive suspension ang gobernador samtang padayung gidungog ang mao niyang reklamo. - Darrel Carumba ug Chester Abadilla (BANAT NEWS)