CEBU, Philippines - Nakadangat na sa Kongreso ang resolusyon sa konseho sa dakbayan sa Mandaue nga naghangyo sa paghimong lone congressional district sa maong dakbayan.
Si manlalaban Grace Andres nga maoy deputy Secretary General sa Speaker of the House of Congress maoy mipahibawo sa mga konsehal sa dakbayan nga nadawat na nila ang maong resolusyon .
Sa nasayran nga si ABC Federation President Joveta Tuela Joy Ouano ug Konsehal Elstone Dabon maoy mipalabang sa resolusyon Numero 12-367-10 nga nagduso sa dakbayan ngadto sa ubos Balay Balaoranan alang sa pagkahimong lone congressional district sa dakbayan sa Mandaue.
Gitataw sa ilang resolusyon nga ang dakbayan sa Mandaue dugay nang kwalipikado base sa gipangayo sa Local Government Code gikan sa tinuig nga income, ug gidaghan sa mga molupyo subay sa labing kataposan nga survey sa National Statistics Office (NSO).
Sa nasayran nga ang dakbayan sa Mandaue maoy una nga nagtinguha nga mahimong lone congressional district apan naunhan kini sa dakbayan sa Lapulapu. (BANATNEWS)