CEBU, Philippines - Usa ka fishing boat ang gisakmit samtang gidakop ang 20 ka tripulante niini human masakpi sa akto nga ilegal nga nanagat sa barangay Bagakay, lungsod sa Sibonga niadtong Martes sa alas 11:45 sa gabii.
Ang gi-hold mao ang F/B Robie nga gipanag-iya sa Cillan Fishing Industry nga nagbase sa barangay Pardo, ning siyudad nga gidumala sa boat captain nga si George Gonzaga, uban sa 19 ka tripulante.
Nakuha nga ebidensiya ang mga kuhang isda nga gitamban ug burot burot nga gibanabanang moabot og sobra sa 50 kilos.
Kasamtangang gidetener si Capt. Gonzaga ug mga tripulante niini.
Hinuon, kagahapong adlawa gi-release ang mga tripulante ug ang fishing boat human mibayad og P60 mil nga multa ang tag-iya sa maong panagatan ug mipasalig nga dili na subling mohimo sa maong kalapasan. – BANAT NEWS