CEBU, Philippines - Nadunggaban angol ang usa ka mahjongira sa usa ka mahjongiro human kini moundang sa pagmahjong didto sa sitio Lawis, barangay Pasil, dakbayan sa Sugbo sa miaging gabii.
Ang biktima mao si Teresita Tesorio, hingkod, ug minyo, samtang ang suspetsado mao usab si Ricardo Virtudazo, minyo nga silingan ra sa biktima.
Sumala sa kapolisan nga nasuko ang suspetsado dihang pagkapilde niya sa ilang mahjong, miundang ang biktima.
Human makadunggab sa walang kamot sa biktima misibat dayon ang suspetsado samtang ang biktima gihatod usab dayon ngadto sa tambalanan. – BANAT NEWS