CEBU, Philippines - Ipahigayon karong adlawa ang turn-over ceremony sa paglingkod sa bag-ong regional director sa National Bureau of Investigation nga mopuli ni outgoing director Medardo Delemos.
Ang mohulip ni Delemos sa pagka director sa NBI-7 mao si Atty. Eduard Villarta gikan sa National Capital Region samtang si Delemos usab ang mupuli kang Villarta sa biyaan niining pwesto didto sa NCR.
Usa ka simple lamang nga turnover ceremony ang ipahigayon nga pagatambongan sa labaw nga opisyales sa NBI apil na ang mga lokal nga mga opisyales dinhi sa Sugbu ilabi na ni Gob. Gwendolyn Garcia.
Ang gobernadora nahinugon kang Delemos nga milingkod sa pagka-director sa NBI Central Visayas niadtong tuig 2004 sanglit maayo ang kooperasyon niini sa kagamhanan sa lalawigan sa Sugbu. (BANATNEWS)