CEBU, Philippines - Giaprobahan na ni Mayor Michael Rama ang paghatag og libreng cellphone loads ngadto sa tanang mga barangay kapitan sa siyudad sa Sugbu.
Sumala pa ni ABC president konsehal Eugenio ‘Jingjing’ Faelnar nga gipirmahan ni Rama ang ilang request nga aporan og cellphone loads ang 80 ka mga barangay kapitan sa siyudad.
Matud pa ni Faelnar nga matag bulan ang matag usa sa mga barangay kapitan sa siyudad makadawat og P600 nga cellphone allowance.
Kini aron may magamit ang mga kapitan sa sayon nga pagpakig-komunikasyon sa mga tawo ilang gikinahanglan alang sa kalihukan sa barangay.
Dugang pa ni Faelnar nga ang maong gahin ipaapil sa iduso unya sa mayor nga supplemental budget alang karong tuiga. (BANAT)