CEBU, Philippines - Napalgang patay ang usa ka lalaki nga gituohang gipusil patay sa wala mailhing tawo diha sa Unit 3, Carbon Public Market, sa barangay Ermita ning dakbayan sa miaging gabii.
Ang biktima gitumbok nga si Glenn Abenoja, taga sitio Bato, barangay Ermita ning dakbayan.
Ang biktima nagkaob nga wala na’y kinabuhi ug may samad pinusilan sa tuong bahin sa iyang nawong.
Gikatahong nag-ayo sa iyang video game machines sa nahisgutang lugar ang biktima dihang kalit nga giduol sa usa ka lalaki ug gipusil gamit ang kalibre .45 pistola.
Nakuha sa kapolisan diha sa crime scene ang duha ka kabhang sa kalibre .45 nga bala ug usa ka slug.
Ang kapulisan padayon pa sa ilang imbestigasyon kabahin sa hitabo. – BANAT NEWS