CEBU, Philippines - Si Mayor Jonas Cortes sa dakbayan sa Mandaue nagduha-duha sa pagkuha kang P/SSupt. Noel Guillamac aron himoong director sa Mandaue City Police Office. (MCPO)
Matud pa ni Cortes nga mapasalamaton siya sa gihimong mga lakang ni SSupt. Guillamac sa pagsulbad sa mga dagkong panghitabo sa dakbayan sa Mandaue ilabi na sa mga sunodsunod nga pagpamanhig nga nahitabo kang Nicolas Tingug Debbie Yu sa milabay’ng semana.
Bisan pa sa maong mga kalampusan ni SSupt. Guillamac, si Cortes mipahayag nga iya pang tun-an og maayo kung angayan na bang himoong full pledge director si Guillamac sa MCPO.
Hinuon matud pa ni Cortes nga ang mga nahitabong dagkong krimen sa dakbayan sa Mandauewala makaapektarsa pamatigayon sa mga negosyante sa maong dakbayankay giisip niyakining mga usa “isolated case” o kaso nga panagsa rang mahitabo.
Midugang ang mayor nga kun may mga negosyante mang gipamanhigansa dakbayan,wala usab kini magpasabot nga ang mga negosyante nay target nga tuyoon pagpataysa mga kriminal bisan walay igong hinungdan.
Samtang hugot kaayo ang suporta niCortes sa kapolisan sa dakbayan sa Mandaue busaiya kining hatagan og dugang sakyanan ug kahimanan sa komunikasyon nga magamit sa ilang operasyonilabi na sa dinaliangpagresponde sa mga alarma nga mahitabo.
Sa laing bahin si SSupt. Guillamac may pito na ka bulan nga nagserbisyo sa MCPO isip OIC kinsa nagpaabot lamang sa mando gikan sa Kampo Crame kung siya hulipan o magpabilin ba sa MCPO ug mamahimong director kay mag-agad man ang tanan sa desisyon ni Mayor Cortes kinsa may dakong gahum sa pagrekomendar kaniya ngadtosa Police Regional Office (PRO) 7.
Base sa balaod sa Philippine National Police (PNP), ang usa ka OIC Director magserbisyo lamang kini sa usa ka police office sulodsa unom ka bulan una siya hulipi. (BANATNEWS)