CEBU, Philippines - Usa ka wala hiilhing babaye napalgang patay sa usa ka basurero didto sa basurahan sa barangay Inayawan, ning dakbayan sa Sugbo kagahapon sa buntag.
Si PO2 Roger Nedamo sa Cebu City Police Office nagkanayon nga ang maong babaye nagkadugo ang nawong apan walay samad ang lawas. Nagsul-ob kini og yellow nga t-shirt ug maroon nga karsones ug wala pa hisayri kun gipanamastamasan ba kini busa giawhag sa kapolisan ang mga tagtungod sa pagsusi niini diha sa Saniyt Francis Funeral Homes aron sa pag-ila niini.
Matud pa ni Nedamo nga nailhan lang sa ngalang Claudio ang basurero nga maoy unang nakakita sa maong lawas patay ug maoy mipahibawo sa barangay hall sa Inayawan. – BANAT NEWS