CEBU, Philippines - Gumikan sa pangabubho, usa ka tomboy naghikog pinaagi sa paghikot og pakot sa sapatos sa iyang liog didto sa gipuy-an niining balay sa sitio Mahayahay, barangay Subangdaku, dakbayan sa Mandaue sa miaging buntag.
Ang nagtubok sa iyang kaugalingon mao si Flobell Bustillo,28, usa ka tomboy.
Si PO3 Roberto Neri sa homicide section sa kapolisan sa Mandaue mibutyag sa Banat News nga ang gipangabubhoan ni Bustillo mao ang iyang kapuyong babaye nga si Sandra Abarquez Ybañez, 23.
Subay sa imbistigasyon, nasayran nila ni PO3 Neri nga una molakaw paingon sa iyang trabaho, gibilin ni Ybañez ang iyang 5 anyos nga anak sa iyang pagka-dalaga kang Bustillo.
Unya dihang nakabiya na si Ybañez ,gibilin usab ni Bustillo ang bata sa ilang silingan uban sa pasalig nga balikon ra niya kini.
Apan human sa pipila ka takna nakit-an nalang kini sa iyang silingang si Felix Jumao-as Jr., 23, nga nagbitay na sa ilang sagbayan kansang liog gibitik sa tumoy sa pakot sa sapatos nga ang pikas tumoy didto usab igaid sa sagbayan.
Gisuwayan kini og hatod ngadto sa Mandaue District Hospital diin kini ideklarar nga patay na. – BANAT NEWS