CEBU, Philippines - Gipasakaan og kaso sa kapolisan ang usa ka ulitawo nga ilang nadakpan sa miaging kaadlawon nga naghupot og shabu didto sa barangay Poblacion Occidental, sa lungsod sa Consolacion.
Ang suspetsado mao si Rens Balae Sumalinog, 19, ulitawo nga lumad nga taga sitio Dita sa barangay Pulang, Bato sa dakbayan sa Sugbo.
Si PO2 Jeovani Mabano sa kapolisan sa Consolacion mibutyag sa Banat News nga nagpatrolya niadtong higayona sila sa SPO3 Benjamin Ayuman dihang nasigpatan nila ang suspetsado nga kadudahan ang lihok busa ila kining girikisa ug didto nasakpan nga may dala kining usa ka paketeng shabu.
Gibalhog dayon sa bilanggoan ang suspetsado ug kasong paglapas sa Section II sa Article 2 sa Republic Act 9165 kon Comprehensive Dangerous Drug Act of 2002 ang gipasaka batok kaniya. (BANATNEWS)