CEBU, Philippines - Nagkauyon ang buhatan sa Metro Cebu Water District
(MCWD) ug Abejo Builders (AB) kabahin sa supply sa tubig pinaagi sa gipirmahan niining Memoramdum of Agreement (MOA) kagahapong adlawa.
Ang MOA signing tali sa MCWD ug AB gihimo aron ang naulahi mao nay mohatag og tubig sa mga lugar nga nanguga kay wala kasuplayi og tubig sa MCWD.
Si Gabino Abejo presidente sa AB mipasalig sa MCWD nga sila nay bahala pag-supply og tubig ngadto sa mga dapit nga dili na kasuplayan sa MCWD.
Sa ilang kontrato nga gipirmahan, bug-at nga silot ang ipahamtang ngadto sa AB sa higayong mapakyas kini sa pagtuman sa ilang gipasalig diha sa kontrato.
Busa giawhag sa taga MCWD ang katawhan nga kinahanglang moreport gayud kanila kun di magkadimao ang pag-supply sa AB og tubig sa ilang lugar. (BANATNEWS)