CEBU, Philippines - Namatay ang usa ka ulitawo kay giurom sulod sa lawak sa iyang gipuy-an didto sa sitio Seaside, barangay Pusok, dakbayan sa Lapulapu sa miaging gabii.
Nailhan sa kapolisan ang namatay nga si Gilbert de Guzman, 23, ulitawo nga taga barangay Candulawan, dakbayan sa Naga ug on the job training sa usa ka machine shop sa Pusok.
Matud pa ni SPO3 Rex Ybanez sa Lapulapu Police Station nga usa ka Martin Canonigo kinsa kaubang natulog sa namatay maoy mitawag kanila ug nagpahibawo nga giurom si De Guzman.
Gihatod dayon kini ngadto sa Opon District Hospital, apan gideklarar kining patay na sa pag-abot didto. – BANAT NEWS