CEBU, Philippines - Usa ka wala mailhing lalaki ang gidala sa tambalanan nga nagkadugo ang ulo diha sa Fuente Osmeña Circle, sa Sambag 2 ning dakbayan duol sa usa ka banko kagahapon sa alas 2:15 sa kaadlawon. Ang maong lalaki gibanabanang 35-anyos, 5’4 gitas-on, ug nagsul-ob og maong nga karsones ug blue-green nga t-shirt. Ang maong lalaki nga gituohang nabiktima sa pagpangulata hangtud ning pagsulat sa balita wala pa gihapon makatingog ug kasamtangang giatiman sa Cebu City Medical Center gumikan sa dakong samad sa iyang ulo. - BANAT NEWS