CEBU, Philippines - Ang City Traffic Operations Management (CITOM) mibutyag nga makaapekto gyud sa dagan sa trapiko ang nagsugod nang konstruksyon sa flyover sa dalan Natalio Bacalso Avenue, sa Mambaling syudad sa Sugbo.
Si Executive Officer Arnel Tancinco sa CITOM nagkanayon nga mas mosamot pa gyud kini ini’g sugod og abli sa klase karong buwan sa Hunyo.
“We will not be implementing rerouting, only diversion of public utility jeepneys,” matud pa niini.
Midugang usab kini nga mohatag sila og mga alternatibong rota nga wala’y nagbabag nga mga konstruksyon, labaw nga maapektuhan gyud ang tanang sakyanan nga mopadulong sa dakbayan ilabi na sa mga sakyanan nga moagi sa maong lane.
‘We will make all existing roadways available. But to the private vehicles, they can pass to all roadways,” dugang pa niini. – BANAT NEWS