CEBU, Philippines - Dili mabutangan og Precinct Count Optical Scan machine ang Mandaue City Jail alang sa 118 niini ka rehistradong bilanggo atol sa piniliay karong adlaw’ng Lunes.
Matud pa ni J/Supt. Simeon Dulojo Jr. ang jail warden sa Mandaue City ang 118 ka inmates igo nalang mo-fill up sa official ballots diha sulod sa pasilidad.
Ang mga bilanggo makabotar pinaagi sa orihinal nga balota alang sa automated election ug sila mismo ang mo-shade sa ilang mga kandidato nga botaran, apan dili ang mga binilanggo ang makabutang sa ilang mga balota ngadto sa PCOS machine.
Matud pa ni Dulojo uban sa Comelec Mandaue ug sa iyang mga sakop sa BJMP maoy modala sa na-fillup nang balota ngadto sa buhatan sa Comelec aron maapil og ihap sa PCOS machine. – BANAT NEWS