CEBU, Philippines - Usa ka 7-anyos nga bata ang gilugos sa uyab sa iyang igsuong mahuyang pasado alas-4 sa kaadlawon kagahapon diha sa Wireless syudad sa Mandaue.
Ang maong bata gipahimuslan sa usa ka Jomar Lucero, 20, nga gwardiya sa usa ka furniture company ug miyembro sa Pretos Security Agency, lumad nga taga Esperanza, San Francisco Camotes ug kasamtangan kini karun nag-abot sa dalan Salvador barangay Labangon.
Sa pakighinabi sa Banat News ni PO3 Rowena Serrato, ang inahan sa bata mitug-an nga nahibiling nag-inusara ang bata sa balay gumikan kay mitambong siya og lubong samtang may gilakaw usab ang iyang bana.
Sa iyang pag-uli nadunggan niyang naghilak ug misiyagit ang anak nga misampit sa iyang pangalan hinungdan nga dali siya misulod sa kwarto ug mao nalay iyang naabtan ang bata nga nangluspad sa kahadlok ug wala nay sapot samtang ang suspek diha tupad niini. Dihang iyang gigakos ang anak dali usab nga mikaratel og dagan ang suspek. Ang inahan misumbong sa kapolisan hinungdan sa pagkasikop sa suspek diha sa Banawa sa barangay Guadalupe sa dakbayan sa Sugbu.
Kasong pagpanglugos ang gikatakdang ipasaka batok sa suspek samtang gipahiling na sa tambalanan ang bata. - BANAT NEWS