CEBU, Philippines - Usa ka mag-uuma ang napalgang wala nay kinabuhi diha sa lungsod sa Carmen pasado alas 3:00 sa hapon sa milabay’ng adlaw.
Ang biktima mao si Rafael Gimenez, 35, lumolupyo sa barangay Hagnaya lungsod sa Carmen.
Si Insp. Carlos Reyes Jr. sa Carmen Police Station ang nangunay sa pag-imbestigar sa maong insidente human niya madawat ang taho gikan sa usa ka ‘concerned citizen’ sa maong dapit.
Gikatahong diha sa iyang umahan dihang gipusil sa wala mailhing tawo makadaghang higayon gamit ang armas kalibre .45 pistola sa nagkadaiyang parte sa iyang lawas hinungdan sa iyang kamatayon.
Duha ka mga kabhang sa bala ang nakuha diha sa crime scene.
Padayon pa ang imbestigasyon sa mga kapolisan sa Carmen Police Station mahitungod niini kung kinsa gyud ang responsable sa pagpamusil sa maong mag-uuma. – BANAT NEWS