CEBU, Philippines - Usa ka 70-anyos nga mag-uuma ang napalgang may mga samad dinunggaban sa kalawasan ug ang dunggan giabis sa wala mailhing tawo diha sa usa ka hilit nga dapit sa sitio San Jose barangay Calape lungsod sa Daanbantayan niadtong milabay'ng Sabado de Gloria.
Si Verancio Dejito Rosello, 70 molupyo sa Santa Lucia sa nahisgutang barangay gikatahong nananghid sa asawang si Mercedes nga manigbakay niadtong Biyernes Santo.
Apan wala kini makauli nianang pagkagabii ug mao nalay iyang nahibaw-an gikan ni Elsa Arcenal nga nakit-an niya kini nagbuy-od sa hilit nga dapit sa sitio San Jose ug patay na.
Ang kapolisan nagdudang wala mamatay sa dunggab ang biktima ug napantok ang ulo niini sa bato duol sa gikahimutangan sa lawas sanglit pipila lamang ang dinunggaban niini ug dili usab fatal. – BANAT NEWS