CEBU, Philippines - Usa ka tawo kinsa nagluklok og duha ka linikit nga marijuana sa iyang bulsa nadakpan sa kapolisan sa Opao Police Station sa dakbayan sa Mandaue sa miaging gabii.
Ang suspetsado mao si Joel Marababol Mendoza, 45, ulitawo nga taga dalan P. Burgos sa barangay Alang-Alang, dakbayan sa Mandaue.
Si Inspector Wilson Abot sa Presinto 5 nga mao ang Opao Police Station mibutyag sa Banat News nga nagpahigayon sila og saturation drive niadtong higayona dihang nasigpatan nila ang suspetsado didto sa dalan P. Burgos nga katahapan og linihokan.
Busa dihadiha girikisa nila kini ug didto sa bulsa iluklok niini ang duha ka linikit nga pinaugang dahon sa marijuana.
Dihadiha ila kining gisikop ug gipaslak sa prisohan, samtang kaso nga paglapas sa Republic Act 9165 kon Comprehensive Dangerous Drug Act maoy ilang giandam nga ipasaka batok sa suspetsado. (BANATNEWS)