CEBU, Philippines - Gipasakaan og kaso kagahapon nga may labot sa paglapas sa Republic Act 9165 kon Dangerous Drugs Act of 2002 ang usa ka tawonga giilang level 2 nga pusher sa shabu sa sitio Asinan sa barangay Mantuyong, dakbayan sa Mandaue.
Ang nag-atubang sa maong kaso mao si Ronaldo Tayo, hingkod, kinsa nadakpan atol sa buy bust operation nga gihimo sa kapolisan sa Presinto 5 sa Opao Police Station sa miaging hapon.
Si Tayo kinsa nailhan na nga drug pusher sa maong lugar, nag-atubang usab og kasongpaglapas sa RA 8294 kun ilegal nga paghupot og armas de fuego.
Kini sa dihang nasakmitan siya og .38 kalibre nga revolveruban sa mga buhing bala niini nga walay lisensya.
Si Sr. Inspector Wilfredo Ortis, hepe sa kapolisan sa Presinto 5 maoy nangulo sa buy bust operation nga ilang gihimo human sa pipila ka adlaw nga pagpaniid nila sa suspetsado.
Atol sa buy bust, nasakmit nila ang unom ka bultong shabu ug salapi nga kapin P1,000 nga gituohang halin sa shabu.
Samtang si PO2 Eleazar Llanes mibutyag usab sa Banat News nga si Tayo popular na kaayong mamaligyaay og shabu sa maong lugar. - Romeo T. Limpangog (BANAT NEWS)