CEBU, Philippines - Nagtingkagol sa Talisay City Detention cell ang usa ka lalaki kinsa gipasanginlang nanglugos og usa ka estudyante niadtong Biyernes sa buntag diha sa barangay Cansojong sa dakbayan sa Talisay.
Ang suspetsado mao si Louie Codilla, taga sitio Kimba, Cansojong ug estudyante sa usa sa mga tunghaan sa nahisgutang siyudad samtang ang biktima usa ka 18-anyos.
Base sa imbestigasyon sa kapolisan sa Women and Children Protection Desk, ang biktima mitug-an nga mga alas 6:30 sa buntag niadtong Biyernes nakadawat siya og mensahe sa text gikan kang Codilla diin gimandoan siya niining paadtuon sa internet café tungod kay duna kini tuyo.
Apan sa pagsulod sa biktima daling gi-lock sa suspetsado ang pultahan ug diha gigakos ug gihagkan sa suspek ang biktima kinsa nakurat ug gipugos og pahigda ug diha-diha gilugos samtang padayon ang paghulga kaniyang dunay dautang mahitabo kun mosinggit.
Si Codilla ang nasikop nila si SPO1 Ricardo Balbutin, PO1 Rusty Pelayo ug PO1 Ma.Janine Cempnon, mga polis nga ubos sa Field Training Program (FTP) diha sa ilang balay sa barangay Cansojong. - Brenda Batuto (BANAT NEWS)