CEBU, Philippines - Ang city health office sa dakbayan sa Mandaue milusad og anti-tipdas campaign didto sa barangay Banilad niadtong miaging adlaw.
Kini pinaagi sa pagpamakuna sa mga kabataan uban sa pagpanghatag og Vitamin E alang sa ilang kahimsog.
Si Evelyn Sanchez, city health officer, mibutyag sa Banat News nga hutdon nila sa pagbakuna ang kabataang nagpangidaron og lima ka buwan ngadto sa unom ka tuig sa 27 ka barangay sa maong dakbayan.
Matud niya nga ang tumong niini mao ang pagsalbar sa kabataan gikan sa bug-at nga epekto sa lawas sa bata sa sakit nga tipdas.
Sa nasayran nga taliwala niining hilabihang kainit sa panahon gikabalak-an ang pagdagsang sa sakit nga tipdas sa mga kabataan. – BANAT NEWS