Ang mga opisyales sa Department of Education kon DepEd regional office -7 nagdili sa mga bonggang graduations ug dagkong amotan sa maong kalihukan sa mga pampublikong tunghaan. Si DepEd regional director Recaredo Borgonia mibutyag nga mipahimangno na si DepEd secretary Jesli Lapus nga gidili ang mga amotanan sa mga mogradwar. Naglakip niini ang dili na pagpasuot og toga ilabina sa mga kabos nga estudyante.
Apan gitataw niini nga kun may koleksyon alang sa graduation rites nga ipatuman sa mga opisyales sa Parent Teacher Association kinahanglang may pagtugot kini sa iyang buhatan. (BANATNEWS)