CEBU, Philippines - Ang Bureau of Customs dinhi sa Sugbo milapas og 85 porsento sa iyang collection target sa buwan sa Pebrero ning tuiga.
Kini ang gibutyag ni Florante Ricarte ang Assessment Deputy Chief sa maong buhatan kinsa miingon nga mikabat og P576,531,219.68 ang ilang nakolekta sa milabay’ng bulan , samtang ang gitahas kanilang ipakolekta P571,682,000.00 ra, busa milapas sila sa ilang target og P 4,849,219.68 o 85% usbaw nga koleksyon.
Busa naglumpayat sa kalipay si Cebu Customs District Collector Ronnie Silvestre kay wala siya magdahom sa nakab-ot niyang kalampusan.
Hinoon mapasalamaton siya sa iyang mga sakop sa economic team sa Port of Cebu (POC) pinaagi sa Assessment Division nga gipangulohan ni Assessment Chief Carlos Corsiga.
Kini tungod kay mao kini ang gipangita kanunay ni Commissioner Napoleon “Boy” Morales ug Finance Secretary Margarito “Gary” Teves.
Matud pa ni Corsiga nga bisan sa kagamay sa importasyon ug exportasyon nga mibayad og buhis sa milabay’ng bulan apan malampuson gihapon kini gumikan sa tulo ka mga dagkong electric power companies nga nagdala sa ilang mga ekipo nga miagi dinhi sa Sugbu. (Bong Soriano) (BANATNEWS)