CEBU, Philippines - Kritikal ang kahimtang sa usa ka negosyante dihang giluthang kini sa wala hiilhing kriminal sulod sa iyang tindahan didto sa barangay Bangkal, dakbayan sa Lapulapu sa miaging gabii.
Giila sa kapolisan ang biktima nga si Julian Manatad Mesa, 30, nga taga Bangkal.
Sila si SPO3 Rex Ybanez ug PO3 Dioscoro Arong sa Lapulapu City Police Station mibutyag sa Banat News nga buot na untang manira sa iyang tindahan ang biktima dihang kalit nga miabot ang kriminal ug sa walay estorya gipusil dayon ang biktima. Human makita nga nasabak ang walang kilid sa biktima, mikaratel dayon og dagan ang kriminal ug nagpasalamat ang biktima nga wala siya maintimano.
Gumikan sa katalandugon, wala kini magdugay didto sa Lapulapu City Hospital, ug gideretso kini og hatod ngadto sa Vicente Sotto Memorial Medical Center sa dakbayan sa Sugbo.
Padayon pang gipanid-an sa kapolisan sa Lapulapu ang kriminal nga miluthang sa biktima. – BANAT NEWS