CEBU, Philippines - Panghingusgan ni Vicente “Tito” Sotto III ang kampanya batok sa illegal nga drugas pinaagi sa pagmugna og Special Drug Force nga maoy motutok sa mga kasong may kalambigitan sa illegal drugs.
“I will push for the creation of Special Drug force that will handle all drug cases coz I am worried that most of the cases were dismissed,” sumala pa ni Sotto kinsa modagan sa pagka-senador karong Mayo 10.
Sumala pa niini nga ang syudad sa Sugbo maoy ikaduhang syudad sa nasud nga dunay daghang kaso labot sa ilegal nga drugas.
Gitinguha usab ni Sotto ang Philippine Drug Enforcement Agency mahimong usa ka residential drug enforcement authority tungod kay pinaagi niini mas mapadali ang pagsulbad sa mga kaso sa drugas
Samtang giklaro usab ni Sotto ang mga pangutana kun usa ba siya ka Sugbuanon ug kun unsay iyang natabang sa Sugbu dihang naglingkod pa kini isip senador.
“I am a victim of my popularity, they don’t know that I am doing something for my people,” pasabot pa ni Sotto.
Si Sotto nagkanayon nga atol sa pagkasenador niini nakabubo na siya og P23 milyones nga proyekto dinhi, siya usab maoy nakapatukod sa Women, Children Crisis Center pinaagi usab sa tabang sa Sotto Women’s Club dinhi. - Lesley Caminade (BANAT NEWS)