CEBU, Philippines - Napulo ka balay walo niini ang naugdaw sa nahitabong sunog kagahapon sa alas 12:30 sa hapon diha sa sitio San Jose, barangay Dumlog, dakbayan sa Talisay.
Siyam sa maong mga balay ang ginama sa gaay nga mga materyal hinungdan nga dali kaayong gikaon sa kalayo sumala pa sa kabumberuhan.
Si SFO1 Felipe Abarquez kinsa mipahigayon sa imbestigasyon nagkanayon nga gibana-banang P300 mil ang danyos sa sunog.
Ang kalayo naggikan sa balay ni Teodoro Baron nga gama usab sa gaay nga materyal ug gituuhang tungod sa substandard nga ceiling fan nga mi-overheat ug misiga.
Matud ni Abarquez nga atol sa insidente si Baron nag-inusara kini diha sa balay ug natulog sa kwarto tungod kay ang iyang mga anak ug apo nangahoy ug ang uban misuroy sa silingan.
Mao na lay namat-an ni Baron ang kainit ug diha nalang niya nakit-ing nagdilaab na ang ilang balay hinungdan nga kini nagdali sa paggawas.
Ang maong sunog napaubos sa 2nd alarm diin ang Pardo Fire Station ang miapil sa pagtabang sa pagpatay sa kayo.
Si Abarquez midugang nga singko minutos gikan sa ilang pag-alarma nakontrolar nila ang kayo sa sunog. - BANAT NEWS