CEBU, Philippines - Aron masanta ang illegal fishing sa kadagatan sa dakbayan sa Lapulapu, ang Chevron’s Award-Winning Cebu Marine Eco Project misubo sa ilang bag-o nga Research Center ug Guard House nga nahimutang sa lawod sa kadagatan sa barangay Caubian, syudad sa Lapu-lapu.
Ang maong guard house gitumong alang sa mga guwardiya sa kadagatan o mga fish warden nga mosanta sa mga ilegal nga panagat sa maong lugar.
Sa pakighinabi sa Banat News ni Dario Lumapas Jr. kanhi tigpahigayon og ilegal nga panagat , kini miangkon nga nakaamgo na siya karon nga dili diay maayo ang iyang gibuhat kaniadto.
Kini tungod kay ang pagdinamita, paghilo sa isda ug pagpasulod niini sa pino og mata nga pukot makapuo sa isda sa dagat nga mosangpot sa pagkawala nay makuhang isda sa dagat sa umaabot nga henerasyon. (Lesley Caminade) (BANATNEWS)