MANILA, Philippines - Usa ka minor de edad gi-among-amongan sa duha ka tulisan samtang nagtan-aw ang uyab niining minor edad human sila tulisa samtang nag-date niadtong Sabado sa gabii sa baybayon sa barangay Sayaw, lungsod sa Barili.
Si PO2 Victor Veloso sa Barili Police Station nagkanayon nga ang biktimang dalagita nga usa ka 15 anyos usa ka second year high school nga taga residente sa usa ka barangay sa Barili, samtang ang iyang uyab nagpangidaron og 17-anyos ug tinun-an sa sekondarya nga taga barangay Mantalongon.
Si PO2 Veloso mibutyag nga ang manag-uyab nag-date daplin sa mangiob nga baybayon.
Ang 17-anyos nga uyab mibutyag sa mga imbestigador nga samtang nag-estorya sila sa iyang uyab, uban sa iyang hinigugmang 15-anyos nakabantay sila nga adunay nagkanaas sa bato sa ilang luyo nga nag-umbaw kanila.
Ilang gisusi ang kasikas sa pagtuo nga ang ilang higala nga adunay motorsiklo nga naghatod kanila sa baybayon. Apan nasurpresa ang mag-uyab tungod kay kalit lang mibutho ang nailang si Eric Allanic, 22, ulitawo ug drayber og habal-habal nga taga Dumanjug uban sa laing suspetsado nga wala mailhi.
Diha-diha, sumala pa sa 17-anyos nga si Allanic ug kauban niini miton og armas ngadto kanila ug mideklarar og tulis. Ang ulitawo nakuhaan sa iyang Italian gold nga kwentas ingon man punseras, samtang ang hinigugma niining 15-anyos nakuhaan sa iyang areyos.
Wala pa matagbaw si Allanic, mition kini og armas ngadto sa 15-anyos nga dalagita ug mimando sa paghubo sa iyang jacket, short, underwear ug bra, samtang ang laing tulisan mimando usab sa iyang uyab nga 17-anyos paghubo sa underwear niini.
Human makahubo ang dalagita, gimanduan kini ni Allanic sa pagtalikod ug gipatuwad nga naghapa sa bato ug nagtagbaw sa pag-'finger' ang suspetsado sa kinatawo sa dalagita samtang nagtan-aw ang uyab niini.
“Gibiyaan sa mga suspetsado nga nagkurog-kurog na ang mga biktima ug naghinilakay. Nisibat dayon human sa ilang niluog nga gihimo ug gipangdala ang mga sapot sa biktima,” sumala pa ni PO2 Veloso.
Ang mga biktima, human makasibat si Allanic ug kauban niini, nagdali sa pagpalayo sa dapit ug mi-report sa kapolisan. Samtang naglakaw sila sa dalan naabot ang ilang higala, ingon man nakit-an usab nila ang ilang mga sapot nga gilabay sa mga tulisan.
Sa gipahigayong hot-pursuit operation nadakpan si Allanic sa barangay Poblacion, Barili nga nagsakay sa gimaneho niining habal-habal ug nakasibat ang kauban niining wala mailhi.
Kauban nga nadakpan ni Allanic mao ang silingan niining 17-anyos nga adunay dalang .38 kalibre nga rebolber apan gikataho nga wala kini labot sa pagpanulis ug pag-among-among sa dalagita.
Si Chief Insp. Alexander Solidad, hepe sa Barili Police Station nagkanayon nga napasaka na nila ang kasong rape with robbery batok ni Allanic ug kauban niadtong Lunes. – BANAT NEWS