CEBU, Philippines - Nalungag ang paa sa usa ka batan-ong lalaki nga namugalbugal og babaye human gipusil sa dalan Mangubay, Poblacion, Lapulapu sa miaging kaadlawon.
Si SPO1 Jack Inihao miingon nga si Joel Labares, 21, ulitawo, taga Carajay, Gun-ob, Lapulapu nalandig sa District Hospital human mapusili sa duha ka wala mailhing mamumuno nga luwan og motorsiklo.
Ang duha ka mamumuno naabot og kalit human gikasuk-an sa usa ka babaye si Labares tungod sa pagbugalbugal niini.
Tungod sa grabeng samad nga naangkon sa iyang paa, si Labares gibalhin sa Vicente Sotto Memorial Medical Center, apan ang kapolisan padayon pang nag-ila sa duha ka mamumuno. – BANAT NEWS