CEBU, Philippines - Nagkadaiyang klase sa armas ug mga bala ang gi-turnover sa Toledo City Police Station sa Cebu Provincial Police Office (CPPO) kabahin sa programa sa PNP nga Oplan Bilang Boga kon pagrekober sa mga loose firearms. Ang gi-turnover mao ang 28 ka .357 revolvers ug .38 revolvers, duha ka M16 Armalite ug usa ka .30 caliber Garand rifle, mga magazine ug nagkadaiyang bala. Ang maong mga armas gikan sa sala ni Regional Trial Court Branch (RTC-59) Judge Hermes Montero sa dakbayan sa Toledo niadto pang Abril 2 ning tuiga ug isip ebidensya sa nagkadaiyang kasong na-desisyonan ni Judge Montero. - Guam Logrono