CEBU, Philippines - Duha ka lalaki ang nadunggaban angol sa managlahing lugar ning dakbayan sa Sugbo sa miaging gabii.
Ang mga biktima mao sila si Orly Booyaham, hingkod nga taga Lorega San Miguel, ug si Marlon Castro, 30, nga nagpuyo sa Archbishop Reyes Avenue, ang tanan ning dakbayan sa Sugbo.
Si Booyaham gidunggab sa lalaki nga siya ray nakaila, kay giingong dugay na niya kining kontra.
Matud pa sa nakasaksi nga nagkalalis ang biktima ug ang kriminal, ug dihang nahutdan na sa katarungan ang naulahi, milanit kini sa iyang kutsilyo ug gihansak sa iyang likod, unya misibat dayon.
Mao gihapon si Castro, giluba gihapon kini sa wala hiilhing tawo samtang naglakaw siya sa may Archbishop Reyes Avenue.
Matud pa giatangan siya sa sa wala hiilhing kriminal unya walay pupangutana gihansakan lang dayon ang iyang walang kilid.
Pagkahuman misibat usab dayon ang maong kriminal ug mao kini gipangita sa kapolisan ning dakbayan sa Sugbo.
Samtang si Booyaham ug Castro anaa magpatambal karon sa Cebu City Medical Center. – BANAT NEWS