CEBU, Philippines - Usa ka drayber sa traysikad kinsa apiktado sa kalisod sa panginabuhi sa nasud ug naguol kay nakautang, naghikog ug nagpakamatay aron maimpas ang tanan sulod sa ilang balay didto sa Duterte street, barangay Suba, dakbayan sa Danao sa miaging gabii.
Ang naghikog mao si Gerson Donayre, 31, drayber sa traysikad, nga may ka-live-in nga si Imelda Dinoy ug nagpuyo sa barangay Suba.
Gibutyag ni Dinoy ngadto sa kapolisan nga sa wala pa maghikog si Donayre nagkalalis sila tungod sa utang nga wala niya ibutyag ang kantidad ug gumikan sa kainit sa ilang lalis, gikulata siya nga maoy hinungdan nga misumbong siya sa kapolisan sa Danao.
Apan pagbalik niya sa ilang balay gikan sa polis, puwerting kurata dihang nagbitay na kini sa pisi nga wala nay kinabuhi. – BANAT NEWS