CEBU, Philippines - Nabalaka si Cebu City Schools Division Superintendent Doctor Lorna Rances sa “poll automation” sa sunod tuig kay basin may mosipyat gihapong mga magtutudlo sa pagmaniobra sa mga makina sa computer.
Busa giawhag ni Rances nga mas maayo gyung bansayon daan pag-ayo ang mga magtutudlo aron mahanas kini ug kalikayan ang mga kasaypanan sa panahon sa election.
Matud pa ni Rances nga mag-agad sila sa lihok sa taga Commission on Elections kinsa maoy angayang motakda og tukmang panahon alang sa pagbansay sa mga magtutudlo. Elly Bolonos (BANAT NEWS)