CEBU, Philippines – Ubay-ubay nga mga pornographic materials ang nasakmit sa mga sakop sa Cebu City Anti-Indecency Board (CAIB) atol sa ilang gihimong operasyon niining semanaha.
Lakip sa nasakmitan sa mga malaw-ay’ng basahon, mao ang duha ka mall sa siyudad nga mao ang mga stalls nga nag-abang sa SM City Cebu ug Gaisano Country Mall.
Partikular nga mga pornographic materials nga nasakmit sa CAIB, mao ang Maxim ug Cosmopolitan magazine nga lakip sa gi-ban dinhi sa dakbayan.
Matud sa chairman sa CAIB nga si Doctor Rene Josef Bullecer nga ila nang gipasidan-an ang mga tagdumala sa nahisgutang mga mall.
Nasayran nga ubay-ubay na sa mga pornographic materials ang nagtipun-og karon sa buhatan sa CAIB lakip na sa mga pirated CD ug DVD. – Elly Bolonos (BANAT NEWS)